جي ايم سيد ڪي مثبت اور منفي سياست

جي. ايم. سيد ڪي مثبت اور منفي سياست (ڪتاب): هن ڪتاب ۾ جي. ايم. سيد جي سياست تي نقطئه چيني ڪئي وئي آهي، جنهن ۾ ليکڪ نظرياتي ۽ ذاتي ٽڪرائن وارن پهلوئن کي اڀاريو آهي. جاويد احمد صديقيءَ جو اردوءَ ۾ لکيل هي ڪتاب شبل پبليڪيشن لميٽيڊ ڪراچيءَ، سيپٽمبر 1987ع ۾ ڇپايو آهي، جنهن ۾ هن ڄاڻايو آهي ته ”جي. ايم. سيد سنڌ جي نوجوانن جي ذهنن کي متاثر ڪندڙ سڀ کان بااثر سياستدان ۽ پاڪستان جي تاريخ ۾ سڀ کان ڊگهو قيد ۽ آزمائش مان گذرندڙ سياستدان آهي“. ڪتاب ۾ سنڊي ڪلڪتي، نذير لغاري، مختيار عاقل، محمد علي (نمائنده نواءِ وقت) ۽ محمد اسلم ڏوگر جا ورتل انٽرويو شامل آهن. ان کانسواءِ جي. ايم. سيد جي ڪتاب ”سنڌو ديش ڇو ۽ ڇا لاءِ“ تي محمد علي خالد پاران ڪيل تلخيص، جي. ايم. سيد جي سالگرهه جو جاويد چانڊيي پاران لکيل اکين ڏٺو احوال، الياس شاڪر جو مضمون، ’جي. ايم. سيد جي نظريات ۾ تبديلي‘ ۽ لطيف خان جو مضمون، ’ڀٽي کي ڦاسي‘ شامل آهن. ڊيمي سائيز جي 164 صفحن تي مشتمل ڪتاب جي قيمت 25 روپيا آهي.

ڪتاب - ڀاڱي جون ٻِيون داخلائون